Xestión Turística de monumentos e cidades Patrimonio da Humanidade :: Xornal Galicia Diario Digital Viajar, Islas Canarias, Galicia :: Agencia de viajes, naturaleza, vuelos, ofertas de vacaciones, turismo, reservas de hoteles

Xestión Turística de monumentos e cidades Patrimonio da Humanidade
Noticias Turismo Viajar | Viernes, 18 Julio, 2008 - 10:40

O IDEGA (Instituto Universitario de Estudos e Desenvolvemento de Galicia, da Universidade de Santiago de Compostela), está a organizar o Congreso Internacional “Touristic Management of World Heritage monuments and cities” (Xestión Turística de monumentos e cidades Patrimonio da Humanidade), que se celebrará en Lugo do 22 ao 25 de Setembro de 2005.

O evento, que conta co apoio económico e institucional da Dirección Xeral de Turismo da Xunta de Galicia, está auspiciado pola prestixiosa League of Historical Cities of the World (http://www.leaguehistoricalcities.com), na cal a representación de Galicia corre a cargo de Santiago de Compostela.

O lugar de celebración das sesións de traballo será o Círculo das Artes da capital luguesa. Os obxectivos do congreso son debater sobre os diferentes modelos de xestión das Cidades Patrimonio da Humanidade, compartir experiencias e crear redes institucionais. Todo isto ten a finalidade de reforzar a posición das cidades Patrimonio da Humanidade, co obxectivo común da promoción dun turismo urbano sustentable.

O programa científico contará coa presenza de destacados conferenciantes internacionais, provenientes fundamentalmente do mundo académico, así como tamén da administración e da xestión pública.

O programa está estruturado a partir de conferencias-análises de caso, que versarán sobre destinos urbanos internacionais de primeira orde. Kyoto (Xapón), Riga (Letonia), Florencia (Italia), Macao (China), Lviv (Ucraína), Belén (Palestina), Angkor (Camboia), Córdoba e Santiago de Compostela serán obxecto de análise por parte de 13 expertos nas relacións entre xestión turística e patriomonio.

O congreso está dirixido a profesionais relacionados co Urbanismo, a Arquitectura, o Turismo e a Administración, así como técnicos de xestión do patrimonio local e axentes de desenvolvemento de políticas locais.

O prazo para a presentación de comunicacións libres está aberto ata finais de Xullo.
Para obter o programa completo e o boletín de inscrición pode consultarse a páxina web do IDEGA (http://www.usc.es/idega).

Buscar más temas sobre:
Noticias de hoy Solo Texto Recordar este sitio | En Otros Paises

Indice Siete | Diario Digital | Toda la Información noticias y Actualidad las 24 horas
Grupo Indice de Comunicación con presencia en más de 40 paises y 24 idiomas, Noticias, actualidad, directorios, buscadores, entretenimiento todo lo que necesita de la red
Recordar este sitio | En Otros Paises

Canarias

Internacional

Nacional

Economía

Sociedad

Cultura

Deportes

Galicia

El Mar y la Pesca